Ҷавонони саодатманди кишвар, боиси саодатмандӣ ва сарфарозии тамоми мо ҷавонони мамлакат аст, ки дар Паёми имсолаи хеш Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар канори ҳамаи дастовардҳои шоёни соли 2018 ба фаъолияти ҷавонони кишвар баҳои баланд дода, эътимод ва боварии бузурги давлат ва Ҳукумати мамлакатро нисбати насли фардосози Ватани азизамон баён бошанд.

Пешвои миллат бо муҳаббати падарона ва садоқати бузурги хеш ба ҳамаи мо ҷавонони саодатманди диёр муроҷат намуда, таъкид намудаанд, ки “Ҷавонон мояи ифтихор ва сарбаландии Тоҷикистони азиз мебошанд. Мо ба ҷавонон эътимоди комил дорем, дастгирии самимонаи онҳоро аз сиёсати пешгирифтаи давлату Ҳукумат қадрдонӣ мекунем ва нақши арзишмандашонро дар ҳамаи ҷанбаҳои ҳаёти кишвар эҳсос менамоем”. Бо камоли боварии бузург ва бепоён Пешвои миллат ба тамоми ҷавонони мамлакат нисбати дастгирии сиёсати давлат ва Ҳукумати Ҷумҳурии Тоҷикистон миннатдории самимии хешро баён намуданд, ки воқеан дар арафаи Соли нави милодӣ ва ҷамъбасти соли 2018 ин беҳтарин туҳфа ва номаи муҳаббат ва меҳрубонии Роҳбари муаззами кишвар ба тамоми ҷавонони мамлакат маҳсуб меёбад.

Суханҳои самимона ва эътимодбахши Пешвои муаззами миллат мо, ҷавонони вилояти Суғдро дар қатори тамоми ҷавонони саодатманди Тоҷикистони соҳибистиқлол руҳбаланду сарфароз гардонид. Дар навбати аввал чунин муроҷиати Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ба мо ҷавонон ва такя ба нерӯи созандаи ҳар як ҷавони кишвар баҳои баланди Роҳбари давлат ба фаъолияти корномаҳои насли ояндасоз маҳсуб меёбад. Мо, ҷавонон низ дар навбати худ аз маҷмуи дастуру ҳидоятҳои Пешвои миллат нерӯи тоза гирифта, ҳамеша талош бар он менамоем, ки пеш аз ҳама дар роҳи расидан ба ҳадафҳои бузурги давлати Тоҷикистон, хоса ормону андешаҳои Сарвари давлат саҳми арзандаи хешро гузорем, зеро мо ҳамеша бо як овоз ва якдилона дар ҳар маҳфилу маҷлис ва дар роҳи иҷрои маҷмуи амалҳо, татбиқи барномаву ниятҳои бузург изҳор менамоем, ки “Мо ҷавонон пайравони Пешвои миллатем!”.

Дар ҳақиқат пайрави Пешвои миллат будан худ рисолати бузург аст ва баъди шунидани Паёми саршори муҳаббати Роҳбари давлат нисбати ҷавонон мо худро қаноатманд аз он ҳисобидем, ки ба корномаҳои навроҳонаву навандешаи мо, ҷавонони саодатманд Пешвои муаззами миллат бо боварӣ ва эътимоди бузург назар афканда, моро хеле руҳбаланд намуданд, то ки бо камоли устувориву матонат роҳи хешро дар самти татбиқи мақсадҳои наҷиб ва барномаҳои созандаи давлат ва Ҳукумати Ҷумҳурии Тоҷикистон давом диҳем. Дар баробари ин, боварӣ ва эътимоди шоистаи Пешвои миллат дар назди мо, ҷавонони Тоҷикистон вазифа ва рисолати муҳим ва бузургеро мегузорад, то бо заҳмати дучанд дар амри татбиқи маҷмуи ҳидоятномаҳо, дастуру раҳнамоиҳои созандаи сарвару раҳнамои хеш ба сӯи фардои ҳамеша мунаввари Тоҷикистони азиз қадам гузорем. Мо, ҷавонони Тоҷикистон ифтихор аз он дорем, ки дар Паёми имсолаи Пешвои миллат, чун паёмҳои ҳамешагии раҳнамоҳои ин абармарди бузурги таърих вазифаҳои мушаххас ва рисолати тамоми афроди ҷомеаи кишвари мо муқаррар гардиданд. Ин Паём низ саршори барномаҳои ҳидоятгарона барои расидан ба ҳадафҳои бузурги Тоҷикистони азиз буд,ки амалкарду татбиқи ҳар яке аз онҳо кафолати фардои ободи Тоҷикистон ва зиндагонии шоистаи мардуми кишвар маҳсуб мешавад. Мо, ҷавонони вилояти Суғд бо ифтихори баланди ватандорӣ, ки аз ин бовар ва эътимоди Пешвои миллат нисбати мо ҳосил гардид, дар канори тамоми ҷавонони Тоҷикистон Роҳбари муаззами кишвари азизро бовар мекунонем, ки барои сазовор будан ба ин боварӣ ва эътимоди бузург тамоми талош ва кӯшиши хешро равон менамоем. Дар кадом самт ва соҳае, ки фаъолият надошта бошем, дар навбати аввал кӯшиши менамоем, ки ба ормону ғояҳои бузурги Пешвои миллат содиқ монда, тамоми нерӯи хешро баҳри ободиву шукуфои ва сарсабзии Тоҷикистони азизи хеш равона намоем. Мо, ҷавонони Тоҷикистон ифтихор аз он дорем, ки пайравони Пешвои миллатем ва ин шараф ва тафохури бузургро ҳамеша бо худ ҳифз намуда, аз насл ба насл ҳамчун рамзи саодати нотакрори ҷавонони хушиқболи тоҷик интиқол медиҳем. Боварии комил дорем, ки тамоми ҷавонони Тоҷикистони азизи мо, ки баробари мо аз ин боварӣ ва эътимоди баланди Пешвои миллат хушҳолу сарфарозанд, дар роҳи расидан ба чунин ҳадафҳои бузург, хоса истиқболи сазовори 30 - солагии Истиқлолияти давлатии Тоҷикистон аз худ зоҳир намудани ташаббусҳои созанда ба унвони туҳфаҳои арзандаи мо якдилона ва муҳаббати бузург талош хоҳанд варзид, то фардои кишвари соҳибтамаддуни мо дар партави корномаҳои фардосози ин нерӯи бузург хуршедмазҳару нуронитар, шукуфотар ва рӯзгори мардумонаш шоистатару пурравнақтар бигардад.

Шодмон НУРМАТОВ, “ҶТ”