Бо ҷалби зиёда аз 350 нафар дар ноҳияи Шуғнони ВМКБ байни толибилмони мактабҳои таҳсилоти миёнаи умумӣ ва ҷавонони ноҳия мусобиқаҳои гуногуни варзишӣ баргузор гаштанд.

Тавре Назрулло Қумайдонов, сарвари мактаби варзишии ноҳия иттилоъ дод, чорабиниҳои варзишӣ асосан аз рӯи намудҳои гӯштини миллӣ, тӯби дастӣ, волейбол, тенниси рӯи миз, шоҳмот ва бокс дар доираи нақшаи кории Кумитаи кор бо ҷавонон ва варзиши назди Ҳукумати Ҷумҳурии Тоҷикистон барои нимсолаи якуми соли 2019 ва давраи таътили зимистона гузаронида шуданд.

Дар фарҷоми мусобиқаҳо ба ғолибон аз тарафи Бахши кор бо ҷавонон ва варзиши ноҳияву мактаби мазкур медалу ифтихорномаҳо тақдим гардид.

Машҳур ИМОМНАЗАРОВ, “ҶТ”