Дар вилояти Хатлон соли 2018 166 ҳодисаи худкушӣ ва қасди даст задан ба худкушӣ ба қайд гирифта шудааст, ки ин рақам нисбати соли 2017-ум 7 адад кам аст.

Дар ин бора Маҳмудзода Насрулло, прокурори вилояти Хатлон зимни нишасти хабарӣ, имрӯз, 30 январ, иттилоъ дод.

Номбурда дар идомаи нишаст иброз дошт, ки дар соли гузашта оид ба ҷиноятҳои куштор ва суиқасд ба он 20 парвандаи ҷиноятӣ нисбати 27 нафар оғоз шуда, тафтиши 24 парвандаи ҷиноӣ ба итмом расид ва он ба суд ирсол гардидааст.

Фирӯз АБДУРАҲМОНОВ, “ҶТ”