Соли 2018 дар ноҳияи Зафаробод ду адад майдончаи варзишии замонавӣ ва як адад ҳавзи шиноварӣ сохта ба истифода супорида шуда, дар ноҳия сохтмони панҷ майдончаи варзишии дигар идома дорад.

Дар ин бора Раҷаб Ашӯрзода, раиси ноҳияи Зафаробод, зимни нишасти матбуотӣ ба рӯзноманигорон иттилоъ дод.

Ба таъкиди номбурда аз ҷониби мақомоти иҷроияи ҳокимияти давлатии ноҳия ҷиҳати ҷалби ҷавонону наврасон ба варзиш ва тарзи ҳаёти солим дар соли гузашта 105 мусобиқаи варзишӣ гузаронида шуданд. Варзишгарони ноҳия дар 58 мусобиқаҳои ҷумҳуриявӣ ва вилоятӣ иштирок намуда, 91 медали тилло, 100 медали нуқра ва 216 медали биринҷӣ ба даст оварданд.

Шодмон НУРМАТОВ, “ҶТ”