Бо ташаббуси Муассисаи давлатии “Маркази ҷавонони ВМКБ” дар ҳамкорӣ бо Донишгоҳи давлатии Хоруғ ба номи Моёншо Назаршоев “Маҳфили зарифон” баргузор гардид.

Дар он 10 дастаи ҷавонону наврасон аз рӯи шартҳои хондани созу сурудҳои гуногун, намоиши саҳначаҳо, саволу ҷавоб, тақлиди ҳаҷвӣ ва ғайра бо ҳам рақобат карданд.

Мувофиқи натиҷаҳои даври охир дастаи “Мактаб - литсейи Оғохон” сазовори ҷои якум гашта, ғолиби маҳфил дониста шуд. Ҷойҳои дуюм ва сеюмро дастаҳои “Донишгоҳи Хоруғ” ва “Мактаби президентӣ” гирифтанд.

Ба ғолибон ифтихорномаю туҳфаҳои хотиравӣ дода шуд.

 Машҳур ИМОМНАЗАРОВ, “ҶТ”