Бахшида ба “Солҳои рушди деҳот, сайёҳӣ ва ҳунарҳои мардумӣ” бо ташаббуси Шуъбаи оид ба корҳои дин, танзими анъана ва ҷашну маросими назди Ҳукумати Ҷумҳурии Тоҷикистон дар ВМКБ озмуни “Дастархонороӣ” гузаронида шуд.

Чорабинӣ бо мақсади эҳёи таомҳои миллӣ, тартиб додани дастархони намунавӣ дар тӯю маъракаҳо ва дар ин замина амалисозии Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” роҳандозӣ гашта, дар он бонувони фаъол аз ҳамаи шаҳру ноҳияҳои вилоят ширкат намуданд.

Дар даври охир комиссияи озмун пурра риоя намудани шартҳои сарфакории моҳиронаи дастархонороӣ, риояи анъанаҳои миллӣ, дилписанд будани хони миллӣ ва ғайраро аз тарафи бонувони ноҳияи Мурғоб ба инобат гирифта, ин ноҳияро барои ишғоли зинаи аввал сазовор донист. Ҷойҳои дуюму сеюм насиби шаҳри Хоруғ ва ноҳияи Рӯшон гардид.

Ба ғолибон аз тарафи мақомоти иҷроияи маҳаллии ҳокимияти давлатии ВМКБ ва шуъба туҳфаҳои гуногун тақдим гардид.

Машҳур ИМОМНАЗАРОВ, “ҶТ”