Дар Кохи варзишии “Чемпион”-и деҳаи Ғӯлакандози ноҳияи Ҷаббор Расулов мусобиқаи кушоди ноҳиявӣ оид ба намуди волейбол баргузор гардид.

Ин мусобиқа бо мақсади оммавигардонии варзиш ва тарғиби тарзи ҳаёти солим гузаронида шуда, дар он дастаҳо аз шаҳру ноҳияҳои Истаравшан, Исфара, Ҷаббор Расулов, Бобоҷон Ғафуров ва Ашт иштирок намуданд.

Дар натиҷаи қувваозмоӣ ҷойи якумро дастаи ноҳияи Ашт, ҷойи дуюмро дастаи “А. Саматов”-и ноҳияи Ҷаббор Расулов ва ҷойи сеюмро дастаи “Абдуҷалил Самадов”-и ноҳияи Ҷаббор Расулов сазовор гардиданд.

Дар фарҷом ба ғолибон диплом, медал ва тӯҳфаҳои Бахши кор бо ҷавонон ва варзиши ноҳия супорида шуд.

Шодмон Нурматов, “ҶТ”