Дар муассисаи таҳсилоти миёнаи умумии №27-и ноҳияи Бобоҷон Ғафуров миёни хонандагону ҷавонон бахшида ба 26-солагии таъсисёбии Қувваҳои Мусаллаҳи Ҷумҳурии Тоҷикистон озмуни ҳарбӣ-варзишӣ баргузор гардид.

Дар озмун иштирокчиён аз рӯи қоидаҳои сафороӣ дар ҳайати шахсӣ, пӯшидани ниқоби газӣ, расонидани ёрии аввали тиббӣ, ҷо кардани тир дар тирдон, тирпаронӣ аз яроқи пневматикӣ, машқҳои тан ба тани ҷангӣ, дастхобонӣ, сангбардорӣ, танбардорӣ ва бандкашӣ миёни ҳам қувваозмоӣ намуданд.

Баъди қувваозмоиҳо ғолибон бо сипоснома ва туҳфаҳои хотиравии Бахши кор бо ҷавонон ва варзиши ноҳия қадрдонӣ шуда, дар фарҷом барномаи фарҳангӣ пешкаши ҷавонон гардонида шуд.

Шодмон НУРМАТОВ, “ҶТ”