Дар маркази ноҳияи Мурғоб ба ифтихори Рӯзи Артиши миллӣ миёни ҷавонон ва сарбозони Қушунҳои зудамали Қувваҳои Мусаллаҳи Вазорати мудофиаи кишвар дар ноҳия мусобиқаи варзишӣ аз намуди тенниси рӯи миз доир гардид. Он бо мақсади таҳкими дӯстиву рафоқат байни ҷавонону аскарон, тарбияи наслҳо дар рӯҳияи меҳанпарастӣ ва ҷалби онҳо ба машғулиятҳои варзишӣ ташкил шудааст.

Аз рӯи натиҷаҳои даври ниҳоии мусобиқа ҳамаи ҷавонони ҷамоати Мурғоб - Рузадор Рузадоров, Хурсанд Аёмбеков, Хурсанд Давлатназаров ҷойҳои якум, дуюм ва сеюмро соҳиб шуданд.

Ғолибон аз ҷониби ташкилотчии мусобиқа, Бахши кор бо ҷавонон ва варзиши ноҳия бо ифтихорномаю мукофоти хотиравӣ қадрдонӣ гаштанд.

Машҳур ИМОМНАЗАРОВ, “ҶТ”