Бахши кор бо ҷавонон ва варзиши шаҳри Хоруғ байни 40 нафар ҷавондухтарони маҳаллаҳои шаҳр озмуни “Маликаи Наврӯз” ва мусобиқаи волейбол гузаронид.

Аз рӯи натиҷаҳои даври ниҳоӣ маҳаллаи Носири Хусрав сазовори ҷойи якум ва ғолиби озмун шуд. Ҷойи дуюм насиби Бархоруғ ва маҳаллаи Гӯлакен бошад, зинаи сеюмро ба даст овард.

Дар бозии волейбол 13 даста бо ҳам рақобат намуда, дар натиҷа тими “Сайфулло Абдулло” зинаи якум, “Хоруғи боло” дуюм ва тими “Хичордеф” ҷойи сеюмро ишғол карданд.

Дар интиҳои чорабинӣ ба ғолибон аз тарафи бахш медал, ифтихорнома ва туҳфаҳои хотиравӣ тақдим гардид.

Машҳур ИМОМНАЗАРОВ, “ҶТ”