- Дар шаш моҳи соли ҷорӣ аз кӯчаю маҳаллаҳои кишвар ба миқдори 44 577 м3  партовҳо тоза карда шуда, ба партовгоҳҳои расмии шаҳру ноҳияҳо бароварда шуданд, - гуфт раиси Кумитаи ҳифзи муҳити зисти назди Ҳукумати Ҷумҳурии Тоҷикистон Гулмаҳмадзода Давлатшо, 16 июл, зимни нишасти матбуотии ин ниҳод.

Гуфта шуд, ки бо мақсади таъмини амнияти экологӣ дар ҷумҳурӣ 275 аксияҳои “Тозагии маҳал” гузаронида шуда, дар он зиёда аз 376 ҳазор нафар шаҳрвандон иштирок намуданд. 

Дар рафти нишаст ҳамчунин доир ба пешбурди сиёсати давлатии ҳифзи муҳити зист, безарар гардонидани фурӯзонакҳои симобдори аз истифода баромада, бурдани назорат дар самти сабзиши ниҳолҳои шинонидашуда, ҳифзи биологӣ дар шароити тағйирёбии иқлим, вазъи боду ҳаво, ҳолати экологии баъзе шаҳру ноҳияҳо ва дигар масъалаҳои марбут ба соҳаи ҳифзи муҳити зист таваҷҷуҳ зоҳир карда шуд.

Акобир ШАРИПОВ, волонтёри “ҶТ”