Бо ташаббуси Бахши кор бо ҷавонон ва варзиши ноҳияи Қубодиён дар ҷойҳои ҷамъиятии маркази ноҳия бо иштироки васеи ҷавонон аксияи тозагӣ таҳти унвони “Мо – ҷавонон ин Ватанро сабзу хуррам мекунем” гузаронида шуд.

Ҷавонон дар ин чорабинӣ атрофи ёдгории таърихии “Қалъаи Мир”, ду самти шоҳроҳ ва ҷӯйборҳоро аз алафҳои бегона ва партовҳои пластикӣ тоза намуда, дигаронро низ ба ин амали хайр ташвиқ намуданд.

Дигар ташкилоту муассисаҳо ва ҷамоатҳои шаҳраку деҳот атрофи бинои худро пайваста тоза нигоҳ дошта, корҳои ободониву сабзазоркунӣ ва шинонидани гулу ниҳолҳои ороишӣ дар назди биноҳои истиқомативу идоравӣ ҷараён дорад.

"ҶТ"