Дар ҷамоати Поршиневи ноҳияи Шуғнон байни 13 дастаи кормандони идораву муассисаҳои маҳаллӣ ва сарбозону афсарони дидбонгоҳҳои сарҳадии ноҳия мусобиқаи футболи хурд баргузор гашт.

Тавре Аҳмад Мамадбунаев, мудири Бахши кор бо ҷавонон ва варзиши ноҳия иттилоъ дод, чорабинии варзишӣ бо ташаббуси бахш ба ифтихори 28 - солагии Истиқлолияти давлатии Ҷумҳурии Тоҷикистон гузашта, ғолибон бо медал, ифтихорнома ва мукофотпулӣ мушарраф шуданд.

Аз рӯи натиҷаҳои даври ниҳоӣ зинаи аввалро тими “Бахши ҷавонон” соҳиб гардида, дастаҳои “Мақомоти маҳаллӣ” ва “Дидбонгоҳи Тишор” ҷойҳои дуюму сеюмро ишғол намуданд.

Машҳур ИМОМНАЗАРОВ, “ҶТ”