Бо иштироки муовини раиси ВМКБ Назира Амирбекзода, ҷонишини раиси шаҳри Хоруғ Райҳонбегим Мавлобахшзода ва мудири Шуъбаи фарҳанги вилоят Сайёд Қурбонмамадов даври вилоятии озмунии ҷумҳуриявии “Тоҷикистон - Ватани азизи ман” баргузор гардид. Он аз рӯи номинатсияҳои оҳангсоз, сароянда, навозанда, шоир, ровӣ гузашта, беҳтаринҳо бо ифтихорномаву мукофотпулӣ сарафроз шуданд ва ба даври ҷумҳуривии озмун роҳат гирифтанд.

Ҳамин тавр, дар номинатсияҳои навозанда (академӣ) Дилангез Бекназарова аз шаҳри Хоруғ, сароянда (эстрадӣ) Рамазон Ҳабибов аз ноҳияи Шуғнон, навозанда (анъанавӣ) Фозил Муборакқадамов аз ноҳияи Роштқалъа, навозанда (эстрадӣ) Бустон Асратбеков аз ноҳияи Рӯшон, шоир Назархудо Назархудоев аз Роштқалъа, ровӣ Садаф Ҷангибекова аз ноҳияи Ишкошим ва сароянда (анъанавӣ) аз Хоруғ зинаҳои аввалро соҳиб шуда, дар даври ҷумҳуриявӣ иштирок менамоянд.

Ёдрас мешавем, ки озмун ба муносибати сазовор пешвоз гирифтани ҷашни 30 - солагии Истиқлолияти давлатии Ҷумҳурии Тоҷикистон рӯи кор омада, ҳадафи аз баргузории он дарёфти истеъдодҳои нави соҳаи санъат, беҳтарин намунаҳои оҳанг ва сурудҳои тараннумгари дастовардҳои замони Истиқлолияти давлатӣ, баланд бардоштани мақому маҳорати касбӣ, тақвият бахшидан ба касбияти ҳунари иҷрокунандагӣ мебошад.

Машҳур ИМОМНАЗАРОВ, “ҶТ”