Дар Донишгоҳи давлатии Хоруғ ба номи Моёншо Назаршоев озмуни донишгоҳии “Ҳафтаи хобгоҳ” ҷамъабаст гардид.

Тавре аз Шуъбаи кор бо ҷавонони донишгоҳ иттилоъ доданд дар мусобиқаи шоҳмотбозии “Ҳафтаи хобгоҳ” аз миёни ҷавондухтарон ҷойи аввалро Ёсуман Улуғбекова гирифта, зинаи дуюм насиби Ёсимин Ҷумъахонова гашт.

Дар маҳфили “Канӣ писарон?”, ки рақобат асосан дар ҳайати гурӯҳҳо аз рӯи машғулиятҳои варзишӣ – маърифатӣ ва хониши адабиётҳои баландмазмун сурат гирифта буд, зинаҳои аввалу дуюмро донишҷӯёни гурӯҳҳои “Хобгоҳи 1” ва “Бадахшон” ба даст оварданд.

Дар чорабинии “Ҳуҷраи беҳтарин” утоқҳои № 1 ва 34 - уми хобгоҳи 1 мутааллиқ ба ҷавонписарон, утоқҳои 57 , 42 аз хобгоҳи 2 – и ҷавондухтарон аз беҳтарин ҳуҷраҳо дониста шуданд.

Ғолибони озмунро роҳбарияти донишгоҳ бо ифтихорнома ва туҳфаҳои гуногун сарафроз намуд.

Ёдовар мешавем, ки “Ҳафтаи хобгоҳ” бо ҳадафи дар сатҳи баланд таҷлил намудани Рӯзи Парчами давлатии Ҷумҳурии Тоҷикистон, тарбияи ҷавонон дар руҳияи хештаншиносиву тарғиби китобхонӣ ва оммавияти варзиш миёни зиёда аз 600 нафар муҳассилину ҷавонони донишгоҳ гузаронида шуд.

Машҳур ИМОМНАЗАРОВ, “ҶТ”