Дар толори варзишии Мактаби президентии шаҳри Хоруғ ба ифтихори 120 -солагии Қаҳрамони Тоҷикистон Шириншоҳ Шоҳтемур миёни нӯҳ дастаи идораву муассисаҳои ВМКБ муособиқаи волейбол оғоз гашт.

Ҳамин тавр, дар мусобиқа дастаҳои Раёсати Вазорати корҳои дохилӣ, Кумитаи давлатии амнияти миллӣ, Хадамоти давлатии оташнишонӣ (ХДО), Кумитаи ҳолатҳои фавқулода ва мудофиаи гражданӣ, Раёсати тандурустӣ ва ҳифзи иҷтимоии аҳолӣ, Донишгоҳи давлатии Хоруғ ба номи Моёншо Назаршоев, Донишгоҳи Осиёи Марказӣ, Расёсати маориф ва илму (РМИ) тими ноҳияи Шуғнон баҳри ба даст овардани Ҷоми Ш. Шоҳтемур рақобат намуданд.

Дар даври ниҳоӣ тимҳои “ХДО” ва “КДАМ” бозӣ карда, дар натиҷа “ХДО” бар дастаи рақиб бо ҳисоби 3 : 0 пирӯз шуд ва ҷоми Ш. Шоҳтемурро соҳиб гардид. Ҷойи сеюм бошад насиби дастаи “РМИ” шуд.

Ғолибон аз тарафи Раёсати кор бо ҷавонон ва варзиши вилоят бо медал, ифихорнома, мукофотпулӣ ва дигар туҳфаҳо мушарраф гаштанд.

Машҳур ИМОМНАЗАРОВ, “ҶТ”