Аз 6 то 10 январ дар шаҳри Тошканди Ҷумҳурии Ӯзбекистон мусобиқаи байналмилалӣ оид ба бокс миёни наврасон баргузор гардида, дар он 200 нафар варзишгарони соли таваллудашон 2004-2005 аз давлатҳои Тоҷикистон, Ӯзбекистон, Қазоқистон ва Русия иштирок намуданд.

Мусобиқа аз рӯи 15 категорияи вазнӣ доир шуда, дар он варзишгарони навраси тоҷик сазовори ду медали нуқра ва 1 биринҷӣ гардиданд.

Аз ҳайати дастаи Тоҷикистон медалҳои нуқраро Алишер Саидов дар вазни 44кг ва Абубакр Муродов дар вазни 54кг ба даст оварданд. Дар вазни 63кг бошад, Нурланбек Ёрматов сазовори медали биринҷӣ гардид.

Малоҳат ХОЛМУРОДОВА, "ҶТ"