Бо мақсади расондани муҳтавои Паёми навбатии Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ба Маҷлиси Олӣ кормандони Бахши кор бо ҷавонон ва варзиши ноҳияи Рӯшон дар маркази ҷавонони ноҳия бо ҷавонону варзишгарон ва масъулини муассисаҳои варзишӣ мулоқот намуданд.

Зикр гардид, ки таърихи пурғановати миллати мо мактаби бузурги худшиносӣ буда, ҳамаи мо масъулем, ки ба он арҷ гузошта, саҳифаҳои дурахшони қаҳрамонии аҷдодони худро омӯзем ва онро ҳамчун асоси ғояи меҳандӯстӣ тарғибу талқин намоем.

Дар Паёми навбатӣ ҳам дарҷ шудааст, ки дар шароити ҷаҳонишавӣ ва рушди технологияҳои иттилоотӣ воридшавии унсурҳои бегона ба фарҳанги миллӣ бараъло мушоҳид гашта, рӯ овардан ба таърих ва огоҳ будан аз аслу насаби хеш барои ҳар фарди миллат, хусусан ҷавонон зарур ва ҳатмӣ мебошад.

Инчунин дар вохӯрӣ масоили азхудкунии донишҳои замонавӣ, мутолиаи китобҳои бадеиву илмӣ, тақвият бахидани қобилияти эҷодии ҷавонону наврасон, рӯ овардани онҳо ба омӯзиши бештари илмҳои табиатшиносӣ, дақиқ ва риёзиву дигар мавзӯъҳо муҳокима шуданд.

Машҳур ИМОМНАЗАРОВ, “ҶТ”