Бахши кор бо ҷавонон ва варзиши шаҳри Хоруғ давоми таътили тобистонаи соли равон машғулият ва омӯзиши ҳамаи толибилмони мактабҳои таҳсилоти миёнаи умумии шаҳрро назорат менамояд.

Дар ин бора Имомёрбек Имомёрбеков, мудири бахш иттилоъ дода гуфт, ки ин иқдом дар доираи нақшаи чорабиниҳои бахш роҳандозӣ шуда, ҳадаф аз пиёда намудани он ҷалб намудани хонандагони шаҳр ба китобхонию худомӯзӣ ва дигар фаъолиятҳои шоиста аст.

Ҳоло масъулини бахш дар маҳаллаҳои Хоруғи боло, Бизмич, Хичордеф машғулиятҳои мактаббачагонро санҷида, бо падару модарони онҳо низ мулоқоти судманд доир намуданд, то ба беҳудагардии фарзандон роҳ надиҳанд.

Чунин санҷишу мулоқот дар дигар маҳаллаҳои маркази вилоят ҳам дар назар дошта шудааст.

Машҳур ИМОМНАЗАРОВ, “ҶТ”