Дар ин вазъияти номусоиде, ки COVID-19 тамоми ҷаҳонро фаро гирифтааст, хоинони Ватан, террористону ифротгароён аз сироятёфтагон ва фавтидагони ин вирус сӯиистифода намуда, ба тинҷиву оромии кишвар ва ҳокимияти мамлакат зиёни худро мехоҳанд расонанд.

Мушкилоти экстремизм (ифротгароӣ) ва терроризм имрӯз аксари ҷомеаи ҷаҳониро фаро гирифта, ба хатари бузурги сайёра мубаддал гардидааст ва имрӯз ҳамагон барои бартараф кардани ин вабои аср мубориза мебаранд. Аз ҷумла, Тоҷикистон дар ин ҷода ҳамеша фаъол аст. Бояд гуфт, ки дар кишвари мо низ ин хатарҳои ифротгароӣ ва тундгароиро ҳамчун мушкилоти асри навин мешиносанд ва оид ба ин хатарҳо доимо тавассути ВАО мардумро ҳушдор медиҳанд.

Имрӯз дар ҷаҳон зиёда аз 500 ташкилотҳои террористӣ амал мекунад. Аз соли 1968 то соли 1980 зиёда аз 6700 амалҳои террористӣ гузаронида шудааст, ки дар онҳо 3668 нафар ҳалок гардида, 7474 нафар захмӣ гардидаанд. Имрӯз аз рӯи таҳлили тадқиқотчиён ба ҷаҳони терроризм ҳамасола зиёда аз 5 то 20 млрд доллар дохил мегардад. Фаъолияти ташкилотҳои исломӣ ба тараққиёти ҷамъиятию сиёсии кишварҳо таъсир расонида, дар ҷаҳонӣ имрӯза густариш ёфтааст.

Барои пешгирӣ намудани чунин раванди номатлуб бояд дастаҷамъона кор намуда, ҷавононро дар рӯҳияи ватандӯстӣ, ҳувияти миллӣ ва донишомӯзӣ тарбия намоем. Зеро имрӯз воситаҳои таъсиррасонии ташкилотҳои террористӣ ба мафкураи ҷавонону наврасон таъсири калон расонида истодаанд. Ҷавонони мо дар ҳар ҷое, ки бошанд, бояд ҳисси баланди миллӣ дошта бошанд ва бо Ватан, миллат, давлати соҳибистиқлоли худ ва забону фарҳанги миллии хеш ифтихор намоянду барои ҳимояи онҳо ҳамеша омода ва ҳушёру зирак бошанд.

Имрӯз танҳо муборизаи дастаҷамъонаи мақомоти ҳифзи ҳуқуқ, мусоидати аҳолӣ бо мақомот ва ҳушёрию зиракии мардум имкон медиҳад, ки пеши роҳи ин даҳшат ва бераҳмӣ гирифта шавад.

Султонбии РАҲМАТЗОДА,
саромӯзгори ДДЗТ