Хабарҳои кӯтоҳ
Чоршанбе 24 Апрел 2024 08:15
Озарбойҷон аз боиси неругоҳи барқи атомии Метсамор ба Арманистон бо зарбаҳои мушакӣ таҳдид кард. Аз ин пеш тариқи ВАО хабар паҳн гардид, ки гӯё Арманистон ният дорад як обанбори Озарбойҷонро мавриди ҳадаф қарор диҳад.
“Мавқеи табиии ҷойгиршавии обанбори Мингечевир ва корҳои мустаҳкамкунии дар ин ҷо анҷомёфта, ҳамчунин воситаҳои замонавии мудофиа аз зарбаҳои ҳавоӣ, ки артиши мо дар ихтиёр дорад, имкон намедиҳад ба ин иншооти муҳим зарба зада шавад”, - изҳор доштааст роҳбари дафтари матбуотии Вазорати дифои Озарбойҷон полковник Воқиф Дорғухли, зимни суҳбат ба хабаргузории “Новости”. Ҳамчунин, ин низомӣ гуфтааст, кишвараш маҷмааи навини мушакиро дорост, ки метавонад ба неругоҳи барқи атомии Метсамор зарбаи ҳалокатбор занад. Ин бошад, барои Арманистон оқибатҳои ногуворро ба бор хоҳад овард.
Дар Арманистон чунин изҳороти намояндаи ҳарбии Озарбойҷонро сахт маҳкум намуданд. Тавре дар изҳороти Вазорати корҳои хориҷии ин кишвар омадааст, “таҳдидҳо далел аз он аст, ки тарафи Озарбойҷон андешаи солим ва ҳисси масъулият надорад”.
Роҳбари маркази таҳқиқоти сиёсию ҳарбии Донишгоҳи муносибатҳои байналмилалии Маскав Алексей Подберезкин вазъро чунин шаҳр додааст: “Зарбаҳои яроқи дақиқ, аз ҷумла мушакҳоии баллистикии таъиноти тактикию фаврӣ, таҳдиди ҷиддист. Лавозимоти ин мушакҳо хеле пурқувват буда, имкон аст ҳадафи ҷиддиро нобуд созад. Сарбанди обанбор ё неругоҳи барқии атомӣ, метавонад ба осонӣ мавриди ҳадаф қарор гирад. Ба ҳеҷ кас пӯшида нест, ки ҳам Озарбойҷон ва ҳам Арманистон яроқи замонавиро дороанд. Дар чунин вазъ танҳо системаи мудофиаи зидиҳавоии замонавӣ метавонад, халал расонад. Аммо ҷониби Арманистон чунин системаи пурқувват ва замонавӣ надорад. Пас таҳдид аз ҷониби Озарбойҷон ба ҳақиқат наздик аст”.
Ба ҳамаи ин нигоҳ накарда, ин муҳаққиқ бовар надорад, ки чунин низои ҷиддӣ рух диҳад.
“Аммо ман бовар надорам, ки ин низоъ ба амал ояд. Зарба задан ба иншооти гражданӣ ҳолати иснисноист. Танҳо дар мавриди доир шудани амалиётҳои калонҳаҷм онҳо амалӣ мегарданд. Шукр, ки чунин вазъ ба амал наомадааст”, - зикр намудааст Алексей Подберезкин.
Вазъ дар қисмати шимолии сарҳади байни ду кишвар нимаҳои моҳи ҷорӣ тезутунд гардид. Дар Озарбойҷон изҳор доштаанд, ки ҷузъу томҳои артиши арманиҳо бо дастгирии тӯпҳо ба мавқеи артиши озариҳо ҳамла кардаанд. Дар Арманистон бошад, баръакс тарафи Озарбойҷонро айбдор меҳисобанд. Дар Боку аз фавти 11 нафар ҳарбиёни худ дарак додаанд. Дар Ереван бошад, аз фавти ду сарбоз ва панҷ нафар маҷруҳ.
Як қатор кишварҳо ва созмонҳои байналмилалӣ аз вазъи рухдода, изҳори нигаронӣ намуда, тарафҳоро ба гуфтушунид даъват карданд.
Муноқиша байни ду кишвари ҳамсоя, ки яке туркзабону дигаре забонаш ба гурӯҳи шарқии забонҳои ҳиндуаврупоӣ ворид мегардад, таърихи тӯлонӣ дорад. Охирҳои даврони шӯравӣ аз боиси кӯҳистони Қарабоғ, ки ба ҳайати Озарбойҷон ворид шудаву аксаран арманиҳо он ҷо сукунат доштанд, байни ин ду давлат низоъ бархест. Пас аз пош хӯрдани давлати шӯравӣ муноқишаҳо ба задухӯрдҳои мусаллаҳона оварда расонд. Бо дастгирии ҳарбиёни рус Арманистон тавонист Қарабоғро ба ҳайати худ ворид созад. Таҳдиди мушакборонкунии тарафайн идомаи муноқишаҳои пешин аст.
Т. ДАВЛАТ, “ҶТ”
“Мавқеи табиии ҷойгиршавии обанбори Мингечевир ва корҳои мустаҳкамкунии дар ин ҷо анҷомёфта, ҳамчунин воситаҳои замонавии мудофиа аз зарбаҳои ҳавоӣ, ки артиши мо дар ихтиёр дорад, имкон намедиҳад ба ин иншооти муҳим зарба зада шавад”, - изҳор доштааст роҳбари дафтари матбуотии Вазорати дифои Озарбойҷон полковник Воқиф Дорғухли, зимни суҳбат ба хабаргузории “Новости”. Ҳамчунин, ин низомӣ гуфтааст, кишвараш маҷмааи навини мушакиро дорост, ки метавонад ба неругоҳи барқи атомии Метсамор зарбаи ҳалокатбор занад. Ин бошад, барои Арманистон оқибатҳои ногуворро ба бор хоҳад овард.
Дар Арманистон чунин изҳороти намояндаи ҳарбии Озарбойҷонро сахт маҳкум намуданд. Тавре дар изҳороти Вазорати корҳои хориҷии ин кишвар омадааст, “таҳдидҳо далел аз он аст, ки тарафи Озарбойҷон андешаи солим ва ҳисси масъулият надорад”.
Роҳбари маркази таҳқиқоти сиёсию ҳарбии Донишгоҳи муносибатҳои байналмилалии Маскав Алексей Подберезкин вазъро чунин шаҳр додааст: “Зарбаҳои яроқи дақиқ, аз ҷумла мушакҳоии баллистикии таъиноти тактикию фаврӣ, таҳдиди ҷиддист. Лавозимоти ин мушакҳо хеле пурқувват буда, имкон аст ҳадафи ҷиддиро нобуд созад. Сарбанди обанбор ё неругоҳи барқии атомӣ, метавонад ба осонӣ мавриди ҳадаф қарор гирад. Ба ҳеҷ кас пӯшида нест, ки ҳам Озарбойҷон ва ҳам Арманистон яроқи замонавиро дороанд. Дар чунин вазъ танҳо системаи мудофиаи зидиҳавоии замонавӣ метавонад, халал расонад. Аммо ҷониби Арманистон чунин системаи пурқувват ва замонавӣ надорад. Пас таҳдид аз ҷониби Озарбойҷон ба ҳақиқат наздик аст”.
Ба ҳамаи ин нигоҳ накарда, ин муҳаққиқ бовар надорад, ки чунин низои ҷиддӣ рух диҳад.
“Аммо ман бовар надорам, ки ин низоъ ба амал ояд. Зарба задан ба иншооти гражданӣ ҳолати иснисноист. Танҳо дар мавриди доир шудани амалиётҳои калонҳаҷм онҳо амалӣ мегарданд. Шукр, ки чунин вазъ ба амал наомадааст”, - зикр намудааст Алексей Подберезкин.
Вазъ дар қисмати шимолии сарҳади байни ду кишвар нимаҳои моҳи ҷорӣ тезутунд гардид. Дар Озарбойҷон изҳор доштаанд, ки ҷузъу томҳои артиши арманиҳо бо дастгирии тӯпҳо ба мавқеи артиши озариҳо ҳамла кардаанд. Дар Арманистон бошад, баръакс тарафи Озарбойҷонро айбдор меҳисобанд. Дар Боку аз фавти 11 нафар ҳарбиёни худ дарак додаанд. Дар Ереван бошад, аз фавти ду сарбоз ва панҷ нафар маҷруҳ.
Як қатор кишварҳо ва созмонҳои байналмилалӣ аз вазъи рухдода, изҳори нигаронӣ намуда, тарафҳоро ба гуфтушунид даъват карданд.
Муноқиша байни ду кишвари ҳамсоя, ки яке туркзабону дигаре забонаш ба гурӯҳи шарқии забонҳои ҳиндуаврупоӣ ворид мегардад, таърихи тӯлонӣ дорад. Охирҳои даврони шӯравӣ аз боиси кӯҳистони Қарабоғ, ки ба ҳайати Озарбойҷон ворид шудаву аксаран арманиҳо он ҷо сукунат доштанд, байни ин ду давлат низоъ бархест. Пас аз пош хӯрдани давлати шӯравӣ муноқишаҳо ба задухӯрдҳои мусаллаҳона оварда расонд. Бо дастгирии ҳарбиёни рус Арманистон тавонист Қарабоғро ба ҳайати худ ворид созад. Таҳдиди мушакборонкунии тарафайн идомаи муноқишаҳои пешин аст.
Т. ДАВЛАТ, “ҶТ”
Рӯзнома
