Хабарҳои кӯтоҳ
Ҷумъа 19 Апрел 2024 08:20
Дар Олмон сафи миллатгароён меафзояд
Пас аз буҳрони шадиди муҳоҷират, ки соли 2015 оғоз ёфт, руҳияи миллатгароӣ дар Олмон торафт афзоиш меёбад. Он замон бар асари “инқилоби баҳорӣ”-и кишварҳои арабӣ лозим омад, мардуми одӣ тарки манзили зист намуда, ҷониби Аврупо фирор намоянд. Фавҷи одамӣ, миллионҳо нафар ба кишварҳои Аврупо, аз ҷумла Олмон ҳиҷрат карданд.
Ҷобаҷокунӣ, муҳайё намудани сарпаноҳ ва макони зист барои мардуми бешумор, ба ҳукуматдорони давлатҳои аврупоӣ кори саҳл набуд. Ба душвориҳо нигоҳ накарда, ба мардуми тарки ватан намуда, аз ҳисси башардӯстӣ шароит муҳайё гардид.
Албатта, миёни мардуми гуреза буданд нафарони зиёд, ки шарту шароити будубош, талаботи дохили кишварҳои он ҷо ҳузур доштаашонро риоя накарданд. Ҳатто даст ба ҷинояткориҳо заданд. Шояд ин вазъ боиси афзоиш ёфтани руҳияи миллатгароӣ миёни табақаҳои гуногуни Олмони имрӯза шудааст.
Аммо миллатгароии олмонӣ кори имрӯза нест. Бо ташкили ҳизби сотсиал-демократи миллатгаро ва ба сари қудрат омадани Адолф Гитлер, солҳои сиюми қарни пешин, боиси рух додани ҷанги дуюми ҷаҳон гардид. Сар задани ҷанги якуми ҷаҳон низ маҳз аз миллатгароии олмонист. Пас аз ҷанги дуюми ҷаҳон, солҳои шастум-ҳафтодуми асри ХХ, аз боиси вазъи душвори зиндагӣ мардуми бешумори Туркия ба кишварҳои Аврупо, бахусус Олмон ҳиҷрат намуданд. Он солҳо низ руҳияи миллатгароӣ миёни қишри ҷавони олмонӣ хеле афзоиш ёфта, бо ҳар баҳона туркони муҳоҷирро озор медоданд. Тавре имрӯз дар Русия мардуми муҳоҷири кишварҳои Осиёи марказӣ, аз ҷумла тоҷиконро ранҷ додаю паст мезананд.
Тавре хабаргузории “Лента.ру” иттилоъ медиҳад, ҳоло дар Олмон дӯстдорони “табрикоти римӣ”, яъне бардоштани даст, ки замони Олмони гитлерӣ маъмул буд ва сурудани ҳар гуна ашъори миллатгароӣ хеле афзудааст. Илова бар он, ғояҳои Рейхи саввуми замони Гитлерӣ ба сарбозони дастаҳои махсуси мақомоти қудратии ин кишвар, ки гирифтори руҳияи миллатгароӣ шудаанд, низ писанд аст.
Ин ҳол замоне тасдиқи худро ёфт, ки кормандони мақомоти қудратӣ, моҳи майи соли равон дар манзили беруназшаҳрии нафаре гумонбар дар робита ба гурӯҳҳои миллатгаро тафтиш гузаронданд. Дар натиҷа анбори калони лавозимоти ҷангӣ ва адабиёти марбут ба ғояҳои фашизми гитлерӣ ошкор гардид. Соҳиби ин ҳама лавозимот бошад, нафари қаторӣ нест. Вай қумондони яке аз дастаҳои махсуси қисмҳои махфии артиши Олмон – KSK (Kommando Spezialkrate) маҳсуб меёбад.
Дар натиҷа таштифи калонҳаҷм сурат гирифт. Вазири дифои Олмон хонум Аннегрет Крамп-Карренбауэр аз ин хусус ҳисобот дод. Маълум шуд, ки дар анборҳои қисмҳои махсус ба андозаи хеле зиёд маводи тарканда, даҳҳо ҳазор тир, яроқу аслиҳаи гуногун ва ғайра намерасад.
Олмон баъди ҷанги дуюми ҷаҳон бо ҳаракати миллатгароӣ то кунун даст ба гиребон аст. Аммо расонаӣ шудани робитаи қумондони дастаи махсус бо милатгароён ҳамаро ба ҳайрат андохт.
Хонум Аннегрет Крамп-Карренбауэр саҳми қисмҳои махсусро дар таъмини бехатарӣ ва амнияти кишвараш таъкид, вале зикр намудааст, ки пас аз чунин моҷаро дар шакли ҳозира набояд вуҷуд дошта бошанд. Ба андешаи вай шумори дастаҳо кам ва тағйири кадрҳо ҳатман бояд сурат гирад.
Т. ДАВЛАТ, “ҶТ”
Пас аз буҳрони шадиди муҳоҷират, ки соли 2015 оғоз ёфт, руҳияи миллатгароӣ дар Олмон торафт афзоиш меёбад. Он замон бар асари “инқилоби баҳорӣ”-и кишварҳои арабӣ лозим омад, мардуми одӣ тарки манзили зист намуда, ҷониби Аврупо фирор намоянд. Фавҷи одамӣ, миллионҳо нафар ба кишварҳои Аврупо, аз ҷумла Олмон ҳиҷрат карданд.
Ҷобаҷокунӣ, муҳайё намудани сарпаноҳ ва макони зист барои мардуми бешумор, ба ҳукуматдорони давлатҳои аврупоӣ кори саҳл набуд. Ба душвориҳо нигоҳ накарда, ба мардуми тарки ватан намуда, аз ҳисси башардӯстӣ шароит муҳайё гардид.
Албатта, миёни мардуми гуреза буданд нафарони зиёд, ки шарту шароити будубош, талаботи дохили кишварҳои он ҷо ҳузур доштаашонро риоя накарданд. Ҳатто даст ба ҷинояткориҳо заданд. Шояд ин вазъ боиси афзоиш ёфтани руҳияи миллатгароӣ миёни табақаҳои гуногуни Олмони имрӯза шудааст.
Аммо миллатгароии олмонӣ кори имрӯза нест. Бо ташкили ҳизби сотсиал-демократи миллатгаро ва ба сари қудрат омадани Адолф Гитлер, солҳои сиюми қарни пешин, боиси рух додани ҷанги дуюми ҷаҳон гардид. Сар задани ҷанги якуми ҷаҳон низ маҳз аз миллатгароии олмонист. Пас аз ҷанги дуюми ҷаҳон, солҳои шастум-ҳафтодуми асри ХХ, аз боиси вазъи душвори зиндагӣ мардуми бешумори Туркия ба кишварҳои Аврупо, бахусус Олмон ҳиҷрат намуданд. Он солҳо низ руҳияи миллатгароӣ миёни қишри ҷавони олмонӣ хеле афзоиш ёфта, бо ҳар баҳона туркони муҳоҷирро озор медоданд. Тавре имрӯз дар Русия мардуми муҳоҷири кишварҳои Осиёи марказӣ, аз ҷумла тоҷиконро ранҷ додаю паст мезананд.
Тавре хабаргузории “Лента.ру” иттилоъ медиҳад, ҳоло дар Олмон дӯстдорони “табрикоти римӣ”, яъне бардоштани даст, ки замони Олмони гитлерӣ маъмул буд ва сурудани ҳар гуна ашъори миллатгароӣ хеле афзудааст. Илова бар он, ғояҳои Рейхи саввуми замони Гитлерӣ ба сарбозони дастаҳои махсуси мақомоти қудратии ин кишвар, ки гирифтори руҳияи миллатгароӣ шудаанд, низ писанд аст.
Ин ҳол замоне тасдиқи худро ёфт, ки кормандони мақомоти қудратӣ, моҳи майи соли равон дар манзили беруназшаҳрии нафаре гумонбар дар робита ба гурӯҳҳои миллатгаро тафтиш гузаронданд. Дар натиҷа анбори калони лавозимоти ҷангӣ ва адабиёти марбут ба ғояҳои фашизми гитлерӣ ошкор гардид. Соҳиби ин ҳама лавозимот бошад, нафари қаторӣ нест. Вай қумондони яке аз дастаҳои махсуси қисмҳои махфии артиши Олмон – KSK (Kommando Spezialkrate) маҳсуб меёбад.
Дар натиҷа таштифи калонҳаҷм сурат гирифт. Вазири дифои Олмон хонум Аннегрет Крамп-Карренбауэр аз ин хусус ҳисобот дод. Маълум шуд, ки дар анборҳои қисмҳои махсус ба андозаи хеле зиёд маводи тарканда, даҳҳо ҳазор тир, яроқу аслиҳаи гуногун ва ғайра намерасад.
Олмон баъди ҷанги дуюми ҷаҳон бо ҳаракати миллатгароӣ то кунун даст ба гиребон аст. Аммо расонаӣ шудани робитаи қумондони дастаи махсус бо милатгароён ҳамаро ба ҳайрат андохт.
Хонум Аннегрет Крамп-Карренбауэр саҳми қисмҳои махсусро дар таъмини бехатарӣ ва амнияти кишвараш таъкид, вале зикр намудааст, ки пас аз чунин моҷаро дар шакли ҳозира набояд вуҷуд дошта бошанд. Ба андешаи вай шумори дастаҳо кам ва тағйири кадрҳо ҳатман бояд сурат гирад.
Т. ДАВЛАТ, “ҶТ”
Рӯзнома
