Давраи якуми озмуни "Ҷавондухтари ҳунарманди сол" дар хобгоҳи №7-и Донишгоҳи милли Тоҷикистон гузаронида шуд.

Озмуни мазкур бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, бахшида ба "Соли рушди сайёҳӣ ва ҳунарҳои мардумӣ" дар тамоми муассисаҳои таҳсилоти олии кишвар ба роҳ монда шудааст.

Дар озмун намояндагон аз Кумитаи рушди сайёҳӣ ва Кумитаи кор бо ҷавонон ва варзиш ширкат варзиданд.

Донишҷуйдухтарон аз факултетҳои донишгоҳ дар озмун иштирок намуда, ҳайати комиссия беҳтаринҳоро барои иштирок дар даври дуюми озмун интихоб намданд.

Мавриди зикр аст, ки даври якуми озмун аз санаи 1 октябр то 17 октиябри соли 2018 дар тамоми хобгоҳҳои муассисаҳои таҳсилоти олии кишвар баргузор мегардад.

Дар озмуни мазкур доираи васеи донишҷӯдухтарони донишгоҳ ширкат варзида, ҳунару истеъдодҳои худро муаррифӣ намуданд.

Меҳрубон ИМОМОВА "ҶТ",