Дар нимсолаи аввали соли 2019 аз ҳаҷми умумии боркашонӣ содирот 566,1 ҳазор тонна (аз ҷумла содироти маҳсулоти кишоварзӣ 55,6 ҳазор) ва воридот 1977,7 ҳазор тоннаро ташкил намуда, нисбат ба ҳамин давраи соли гузашта содирот 14,7%, аз ҷумла маҳсулоти кишоварзӣ 21,5% коҳиш ёфта, воридот 4,2% зиёд шудааст. 

Дар ин бора, санаи 17 июл, Мирзозода Сӯҳроб Бегмат, муовини вазири нақлиёт зимни нишасти хабарӣ иттилоъ дод.

Дар идомаи нишасти Вазорати нақлиёти Ҷумҳурии Тоҷикистон гуфта шуд, ки коҳишёбии содирот ба коҳишёбии содироти семент (79296 тонна), алюмин (5162 тонна), пахта (2393 тонна), маъдани ранга (сурма, мис ва сурб-6440 тонна), маҳсулоти зудвайроншаванда (12050 тонна) ва меваҳои хушк (3146 тоннап) арзёбӣ мегардад”.  

Гулрӯ КАЛБОДОВА, волонтёри “ҶТ”