Агентии Тоҷикстандарт дар нимсолаи якуми соли 2025 дар бозор ва дигар марказҳои савдои шаҳри Душанбе ба миқдори 245 ҳазору 372 кг маҳсулоти гуногуни пастсифати ғизоиро, ки ба талабот ҷавобгӯй набуданд, ошкор кардааст.

Дар ин бора имрӯз – 29 июл Раҳмоншо Мирзоён, муовини раиси Агентӣ зимни нишасти хабарӣ ба рӯзноманигорон иттилоъ дод.

Ӯ гуфт, ки дар индавра 11 ҳазору 66 кг маҳсулотӣ гӯштӣ, 1459 кг равғани растанӣ, 1351 литр нушокии спиртӣ, 328 кг маҳсулоти қаннодӣ ва дигар маҳсулот, ки қисми зиёдашон маҳсулоти воридотӣ ба ҳисоб мераванд, ғайристандартӣ дониста шуда, аз муомилот гирифта шуданд.

Ҳамчунин, қайд карда шуд, ки дар робита ба ин масъала бо истеҳсолкунандагон, фурӯшандагон ва соҳибкорони воридкунандаи молу маҳсулот семинар – машваратҳо гузаронида шуда, дар рафти семинар ба онҳо корҳои фаҳмондадиҳӣ гузаронида шудааст.

У. ҚУТБИДДИНЗОДА, “ҶТ”