Конфедератсияи футболи Осиё дар шаҳри Душанбе барои мураббиёни тоҷик аз рӯи барномаи “AFC Fitness Coaching Certificate Course – Level 1А” курсҳои омӯзишӣ ташкил ва баргузор намуд. Дар ин хусус Федератсияи футболи Тоҷикистон иттилоъ медиҳад.

Тибқи маълумот, дастурдиҳандаи асосии ин курсҳо инструктори Конфедератсияи футболи Осиё Ғуломризо Ҷаҳонӣ аз Эрон буда, дар барномаи курси панҷрӯза ҷанбаҳои назариявӣ ва амалии тарбияи ҷисмонӣ дар футболро ба мураббиён омӯзондааст.

Гуфта мешавад, ки дар ҷамъбаст мудири шуъбаи таълими департаменти техникии Федератсияи футболи Тоҷикистон Алифбек Беромов ба дастурдиҳандаи КФО Ғуломризо Ҷаҳонӣ барои табодули таҷрибаи худ изҳори сипос намуда, ба ҳамаи иштирокчиён бурдбориҳо таманно кард.

Ҷасури ҚИЁМИДДИН, “ҶТ”