Баъди 10 сол дар хонаҳо ва утоқҳои кории аҳолии Русия роботҳои кӯмакрасони дорои қобилияти зеҳнӣ пайдо шуда, роботҳои ҳамроҳ бошанд, ба нигоҳбини кӯдакон машғул хоҳанд шуд.      

Дар ин бора Артур Шимановский, роҳбари Лабораторияи техникии истеҳсоли роботҳо дар заминаи “Иннополис” ба хабаргузории “РИА Новости” хабар додааст.

Ба гуфти А. Шимановский баъди соли 2030 роботҳо метавонанд, озодона ба ҳайси роҳнамоҳо ва хаткашонҳо хизматрасонӣ кунанд. Ҳаракати худкор ва бетаваққуфи роботҳо имкон фароҳам меорад, ки дар оянда онҳо ҳамчун фаррош, дарбон ва посбон ба таври васеъ истифода карда шаванд.