Мақомоти назоратии Британияи Кабир арзёбии арзиши воқеии дороиҳои оилаи шоҳонаро талаб кардааст.

Шояд аз Вазорати тиҷорат, энергетика ва стратегияи саноатӣ талаб карда шавад, ки ин масъаларо бори аввал таҳқиқ кунанд. Хабар медиҳад Лента ру.

Дар соли 2021 дороиҳои малика Елизавета тақрибан 500 миллион доллар арзёбӣ шуда буд, дар ҳоле ки рӯзномаи британиёии “The Sunday Times” дар соли 2022 тақрибан 430 миллион доллар навишта буд, ки ин маблағ танҳо ҷавоҳирот ва сармоягузориро дар бар мегирифт. Дар ин росто гуфта мешавад, ки сарвати умумии монархияи Британия бо дороиҳои ғайриманқул 26 миллиард доллар арзёбӣ мешавад.

Пас аз даргузашти малика Елизавета II, масъалаи ҳаҷми воқеии сарвати ӯ, ки ба писараш шоҳ Чарлз III ва дигар аъзои хонаводаи шоҳона мерос гузоштааст, ба таври фаъол дар ин кишвар мавриди баҳс қарор гирифтааст. Қайд кардан бамаврид аст, ки то кунун дар Британияи Кабир даромади малика расман ошкор нашудааст.

Зуҳро РИЗОЗОДА “ҶТ”