Президенти собиқи FIFA, Сепп Блаттер иқрор шуд, ки дар қуръакашии чемпионатҳои Аврупо қаллобӣ сурат мегирифт.

Блаттер дар мусоҳиба ба рӯзномаи “NACİON”-и Аргентина гуфтааст: "Дар FIFA не, аммо медонам, ки дар чемпионатҳои Аврупо ҳини қуръакашӣ аз ҳилла истифода мешавад".

Президенти собиқ дар идома қаллобиро дар чемпионатҳои UEFA чунин шарҳ додааст: "Нахуст таъкид мекунам, ки замони роҳбарии ман дар FIFA чунин ҳолат рух надодааст, балки дар UEFA рух додааст. Тубчаҳои сеҳрноке, ки дар қуръакашӣ истифода мегарданд, дар яхдон гузошта шуда, чанд лаҳза пеш аз қуръакашӣ аз он ҷо бароварда мешаванд. Пешакӣ медонанд дар дохили тубҳои хунук кадом дастаҳо ҳастанд. Аз ин рӯ, ҳини қуръакашӣ тубҳои хунук берун оварда мешаванд".

Ин хабар ҳоло дар Аврупо ҳангома барангехта, нигаронии сахти Швейтсарияро ба бор овардааст. Рӯзномаи “Tribüne de Geneve” ин масъаларо мавриди таҳқиқи ҷиддӣ қарор додааст.