Дар Ҷумҳурии Тоҷикистон дар соли 2023 муҳоҷирати меҳнатӣ нисбат ба солҳои қаблӣ коҳиш ёфтааст.

Дар ин бора 13 феврал Гулнора Кенҷа, вазири меҳнат, муҳоҷират ва шуғли аҳолии Ҷумҳурии Тоҷикистон зимни нишастӣ хабарӣ иттилоъ дод.

Ӯ зикр кард, ки рафти муҳоҷирати меҳнатӣ ба хориҷи кишвар 652 ҳазору 14 нафарро ташкил додааст, ки нисбати ҳамин давраи соли гузашта 16 фоиз кам гардида, аз ин шумора мардҳо 554 ҳазору 804 нафар ва занон 97 ҳазору 210 нафарро ташкил медиҳанд. Дар соли 2022 шумораи муҳоҷирони ба хориҷа сафаркарда 775 ҳазору 578 нафарро ташкил медод.

Гуфта шуд, ки аз ин шумора 627 ҳазору 028 нафар ба Федератсияи Русия, 18 ҳазору 418 нафар ба Ҷумҳурии Қирғизистон ва 6568 нафар ба дигар давлатҳо рост меояд.

Бозгашти муҳоҷирони меҳнатӣ дар ин муддат 590 ҳазору 710 (2022-551) ё 7 фоиз зиёд буда, аз ин теъдод шумораи мардҳо 468 ҳазору 458 нафар, ё 4,2 фоиз ва занҳо 122 ҳазору 252 нафар, ё 19,1 фоиз зиёд гардидааст.

Фарзонаи УМАРАЛӢ, "ҶТ"