Дирӯз Лиз Трасс, нахуствазири Бритониё ва раҳбари ҳизби Муҳофизакор баъд аз як моҳу ду ҳафтаи пирӯзӣ дар интихоботи дохили ҳизби Муҳофизакор аз мақомаш истеъфо додааст.

Дар ин бора “РИА Новости” хабар додааст.

Ӯ сабаби истеъфояшро муваффақ нашудан дар иҷрои барномаҳояш донистааст.

Лиз Трасс истеъфои худро эълон карда, қайд кардааст, ки то интихоб шудани вориси нав дар ин вазифа, худаш ин корро анҷом медиҳад. Ӯ то замони истеъфояш ҳамагӣ 44 рӯз дар мақоми нахуствазир фаъолият карда, номи худро ҳамчун нахуствазири кӯтоҳтарин дар таърихи Бритониё боқӣ гузошт.

Ба иттилои расонаҳо Трасс дар як нишасти хабарии кӯтоҳ гуфтааст: “Инро мепазирам, ки дар ин шароит наметавонам ба иҷрои вазифае бипардозам, ки ҳизби Муҳофизакор барои анҷоми он маро интихоб кард”.

Зуҳро РИЗОЗОДА, “ҶТ”