Дар ҷаласаи Шӯрои сарони кишварҳои Иттиҳоди Давлатҳои Мустақил номзадии шаҳри Самарқанд ба сифати пойтахти фарҳангии ин Иттиҳод дар соли 2024 пешбарӣ шудааст.

Дар ин бора сомонаи хабарии “Podrobno.uz” хабар додааст.

Ба таъкиди манбаъ президенти Узбекистон Шавкат Мирзиёев зимни суханронии худ дар ҷаласа зикр кардааст, ки ҳамкориҳои фарҳангӣ ва башардӯстона яке аз самтҳои муҳимтарини робитаҳои мутақобила дар паҳнои ИДМ мебошад.

Гуфта мешавад, бо мақсади ҳамкориҳои муштарак дар соҳаи инноватсия ва байни ҷавонон Шавкат Мирзиёев пешниҳод намудааст, ки соли оянда дар Узбекистон таҳти унвони “Ҷавонон ҷонибдори инноватсия” Конгресси якуми олимони ҷавони ИДМ гузаронида шавад.

Зуҳро РИЗОЗОДА, “ҶТ”