Ҷумҳурии Тоҷикистон омодааст, ба кишвари Туркия ҳудуди 40 нафар наҷотдиҳандаи худро барои кумак фиристад. Дар ин бора Иброҳим Исмоилзода, муовини раиси Кумитаи ҳолатҳои фавқулодда ва мудофиаи гражданӣ 7-уми феврал, дар нишасти хабарӣ иттилоъ дод.       

Ҳамзамон гуфта шуд, ки барои фиристодани наҷотдиҳандагони тоҷик ба Туркия ҷиҳати рафъи оқибатҳои заминларзаи шадид дар Вазорати корҳои хориҷӣ бо супориши Президенти кишвар муҳтарам Эмомалӣ Раҳмон ҷаласа баргузор шудааст.        

Мавриди зикр аст, ки субҳи 6-уми феврал заминларзаи шадид бо шиддати 7.8 балл манотиқи ҷанубу шарқи Туркия ва шимоли Сурияро такон дод. Мақомоти Туркия иттилоъ медиҳад, ки то ҳол дар натиҷаи заминларза 3419 нафар ҷони худро аз даст дода, инчунин беш аз 20 ҳазор нафари дигар маҷруҳ гардидаанд.