ФАРҲАНГ
Ҷумъа 12 Август 2022 08:19
8776
Имрӯз адиб ва рӯзноманигори чирадаст Абдулқодири Раҳим китоби тозанашри худ - “Ҷаҳоне ганҷ”-ро, ки ба тозагӣ дар ҶДММ “ЭР-граф” чоп шудааст, бо соядаст барои китобхонаи рӯзномаи “Ҷавонони Тоҷикистон” тақдим кард.

Китоб суханони пурарзиши ҳакимонаи шахсиятҳои маъруфи ҷаҳон аз қадим то ба имрӯз, инчунин, байтҳои нобу зебову дилраси шоирони тоҷику форсро фарогир буда, онҳоро адиб таҳия ва гирдоварӣ кардааст.

Китоб аз се бахш иборат буда, дар ду бахши он – “Аз сӯхтанҳо то сохтанҳо” ва “Суханҳои арзишманд” панду андарз ва суханҳои ҳакимонаи аксари равшанфикрони олам гирдоварӣ шудааст. Дар бахши саввум, ки “Пардаи роз” унвон гирифтааст, байтҳои алоҳидаи шоирони тоҷику форс ҷамъоварӣ шудааст.

Муаллиф мақсад аз таҳияи китобро дар он медонад, ки мехоҳад бо мутолиаи он дар зиндагӣ, кор ва муносибати инсонҳо тағйироти мусбат рух бидиҳад.
Ёдовар мешавем, ки чанде пеш Абдулқодири Раҳим дар маҳфили шеъру суханаш дар “Боргоҳи сухан” аз нашри ин китоб паём дода буд.

“ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.