21 август дар шаҳраки Адрасмони шаҳри Гулистон тибқи нақша - чорабиниҳои Бахши кор бо ҷавонон ва варзиш, бахшида ба 33-юмин солгарди Истиқлолияти кишвар таҳти унвони “Ҷаҳонро ба дониш тавон ёфтан” маҳфили китобхонӣ баргузор гардид.

Дар ин бора Бахши кор бо ҷавонон ва варзиши шаҳри Гулистон иттилоъ дод.

Мувофиқи иттилои манбаъ дар чорабинии мазкур аъзои Иттифоқи ҷавонони Тоҷикистон дар шаҳри Гулистон ва аъзои маҳфили “Пайравони Пешвои миллат” иштирок карданд.
Мақсад аз баргузории чорабиниро масъулин пеш аз ҳама ҷалб намудани ҷавонон ба китобхонию китобдӯстӣ ва омода намудани онҳо ба озмунҳои ҷумҳуриявии “Фурӯғи субҳи доноӣ китоб аст”, “Илм - фурӯғи маърифат” ва “Тоҷикистон - Ватани азизи ман” маънидод карданд.