6-уми июл дар Боғи Ирами шаҳри Душанбе даври ниҳоии озмуни ҷумҳуриявии “Ҳунар омӯз...” баргузор мегардад.

Дар ин бора аз Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд.

Ба иттилои манбаъ дар даври ниҳоии озмун 147 нафар ҳунармандон аз рӯйи ҳафт номинатсия маҳорати худро хоҳанд санҷид.

Хотиррасон бояд кард, ки даври аввали озмуни мазкур моҳи июни соли равон дар тамоми шаҳру ноҳияи кишвар баргузор гардид ва аз ҳамаи иштирокчиён 147 нафар ҳунармандони кишвар беҳтарин дониста шуда, ба даври ҷумҳуриявӣ роҳхат гирифтанд.

Вазорати меҳнат, муҳоҷират ва шуғли аҳолии Ҷумҳурии Тоҷикистон дар баробари эълони баргузории озмун аз сокинону меҳмонони пойтахт ва ҳаводорони ҳунарҳои миллӣ даъват ба амал овардааст, ки ба чорабинии мазкур ташриф биёранд.

Ба гуфтаи масъулин ҳадаф аз баргузор намудани чунин озмунҳо муаррифии ҳунармандони кишвар ба ҷаҳониён ст.

Наҷиба МУРОДБЕКОВА, “ҶТ”