Дар пойтахти кишвар - шаҳри Душанбе маросими ҷамъбасти даври шаҳрии озмуни ҷумҳуриявии “Илм-фурӯғи маърифат” баргузор гардид.

Дар ин маросим Мавсума Муинӣ, муовини раиси шаҳри Душанбе, Баҳром Исмоилзода,сардори Сарраёсати маорифи шаҳри Душанбе аъзои комиссияи озмун, ҳайати ҳакамон, ходимони илмӣ ва дигар қишрҳои ҷомеа иштирок доштанд.

Даври шаҳрии озмуни мазкур аз 4 то 6-уми октябри соли ҷорӣ аз рӯйи ҳафт номинатсия баргузор гардида, дар он 23 нафар ғолибони даври ноҳиявӣ иштирок доштанд.

Гуфта шуд, ки бо дастгирии бевоситаи Рустами Эмомалӣ, раиси шаҳри Душанбе аз ҳисоби фонди захиравии раиси шаҳр 1 млн 600 ҳазор сомонӣ барои ҳавасмандгардонии ғолибони даври шаҳрии озмуни ҷумҳуриявии “Илм-фурӯғи маърифат” ҷудо гардид. Инчунин 35 нафар омӯзгороне, ки шогирдонашон дар даври шаҳрии озмун сазовори ҷойҳои намоён гаштаанд, бо мукофотпулӣ қадрдонӣ карда шуданд.