ФАРҲАНГ
Якшанбе 25 Сентябр 2022 07:45
8818
Дар давраи 30 соли соҳибистиқлолии кишвар аз ҳисоби буҷаи давлатӣ ва дигар манбаъҳои маблағгузорӣ зиёда аз 100 ёдгории мероси таърихию фарҳангӣ тармиму барқарор гашта, даҳҳо ҷашну чорабиниҳои бошукӯҳи сатҳи байналмилалӣ вобаста ба таъриху фарҳанги миллӣ баргузор гардидааст.

Дар ин хусус Зулфия Давлатзода, вазири фарҳанги кишвар, 12 июл зимни нишасти матбуотии ин ниҳод иттилоъ дод.

Гуфта шуд, ки корҳо дар самти вориднамоии ёдгориҳои таърихию фарҳангӣ ба Феҳристи мероси фарҳанги умумибашарии Юнеско ҷоннок карда шуданд.

Ба гуфтаи Зулфия Давлатзода давоми 6 моҳи аввали соли ҷорӣ 9 адад иҷозатнома барои анҷом додани корҳои таҳқиқотӣ, ҳафриётӣ- бостоншиносӣ дар ҳудуди ёдгориҳои таърихию фарҳангӣ пешниҳод карда шудааст. Дар баъзеи онҳо аллакай корҳо анҷом дода шудаанд ва дар қисмати дигар корҳо идома дорад.

Таъкид гардид, ки дар давраи ҳисоботӣ фаъолият дар самти кор бо ISESCO низ ҷоннок гардида, 19 адад объектҳои мероси таърихию фарҳангӣ ва табиию фарҳангӣ ба Феҳристи мероси фарҳангии ISESCO ворид гардид. Шомил гардидани ин ёдгориҳои таърихӣ ба Феҳристи мероси фарҳангии ISESCO дастоварди хеле бузург барои миллат ва давлат ба шумор меравад.

Ҳошим РАҲМАТУЛЛОЕВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Сентябр 2022 c.