Дар соли таҳсили 2022-2023 аз рӯи зинаи докторантура Донишкадаи давлатии фарҳанг ва санъати Тоҷикистонро ҳамагӣ 3 нафар хатм намудааст. Сабаби теъдоди ками хонандагони ин зинаи таҳсилро ректори донишкадаи мазкур дар ҷалби магистрантон ба хизмати ҳарбӣ маънидод кард.

Ба қавли ректори ин муассисаи олии таълимӣ донишҷӯён барои фирор аз хизмати ҳарбӣ ба зинаи магистратура дохил намегарданд, ки он ба теъдоди кам дар зинаи докторантура оварда мерасонад.

Дар баробари ин мушкилӣ дар нишаст аз теъдоди ками довталабони имсола ба ин боргоҳи ҳунар гуфта шуд, ки теъдоди умумии онҳо ҳамагӣ 35 фоизи нақшаро ташкил медиҳад.

Рустам ОДИНАЕВ, “ҶТ”