ФАРҲАНГ
Ҷумъа 10 Июл 2020 03:27
1305
5 августи соли равон дар Кохи Рӯдакии маркази вилояти Суғд озмуни вилоятии «Адрасбофи беҳтарин» ҷамъбаст гардида, ғолибон бо мукофотҳои пулӣ сарфароз шуданд.

Дар маросими супоридани Шоҳҷоиза ва мукофотҳои пулӣ ба ғолибони озмун Раиси вилояти Суғд Абдураҳмон Қодирӣ иштирок намуд.

Озмуни мазкур бо мақсади тарғиби фарҳанги либоси миллӣ, эҳё ва рушди ҳунарҳои мардумӣ, истеҳсоли матои атлас ва адрас, дарёфти беҳтарин ҳунармандони ҳунарҳои дастии адрасбофӣ ва бо ҷои кор таъмин намудани занону духтарон ба муносибати 25 солагии Истиқлолияти давлатии Ҷумҳурии Тоҷикистон гузаронида шуд.

Озмуни "Адрасбофи беҳтарин" се рўз идома кард, ки дар он 40 нафар ғолибони даври аввал барои ишғоли ҷойҳои ифтихорӣ мубориза бурданд. Муҳайё Юсупова бонуи ҳунарманд аз ноҳияи Бобоҷон Ғафуров тибқи хулосаи ҳакамон соҳиби Шоҳҷоиза ва мукофоти пулӣ дар ҳаҷми 5000 ҳазор сомонӣ шуд.

Аз руи шарти «Бофандаи моҳир» ҷои аввалро Мамлакат Хоҷаева аз ноҳияи Бобоҷон Ғафуров, мақомҳои дуюму сеюмро Мунира Охунова аз шаҳри Исфара ва Хайринисо Маҳкамова аз ноҳияи Деваштич соҳиб шуданд.

Дар бахши «Сифати беҳтарин» ҷои аввалро Саломат Азизова - ҳунарманд аз ноҳияи Мастчоҳ соҳиб гардид. Наргис Умматқулова аз ноҳияи Спитамен ва Наргис Ҷумъаева аз шаҳри Истаравшан мақомҳои баъдиро ишғол намуданд.

Дар бахши «Нақши беҳтарин» Назокат Ҳоҷиева аз шаҳри Хуҷанд ғолиб омад. Соҳиби ҷойҳои дуюму сеюм Барно Шехсаидова ва Каромат Турсунова, бонувони ҳунарманд аз Зафарободу Панҷакент шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.