Шамсиддин Орунбекзода, вазири фарҳанг зикр кард, ки давоми нимсолаи аввали соли ҷорӣ вазорат фаъолияташро баҳри амалӣ гардонидани қонунҳои Ҷумҳурии Тоҷикистон ва қарорҳои Ҳукумати Ҷумҳурии Тоҷикистон марбут ба соҳаи фарҳанг вобаста ба талаботи рӯз ба роҳ монд.

“Бахусус тантанаҳои байналмилаливу ҷумҳуриявии 25-солагии таъсиси Қувваҳои мусаллаҳи ҷумҳурӣ, “Шоми дӯстӣ” дар заминаи таҳкими муносибатҳои бародаронаи ду халқи дӯст — тоҷику ӯзбек, иди Наврӯз, рӯзҳои фарҳангии Арабистони саудӣ ва Ҷумҳурии Белорус дар Тоҷикистон ва ғайра хеле хотирмон буданд”, - изҳор дошт вазир.

Вазир ҳамчунин зикр намуд, ки вобаста ба даҳсолаи байналмилалии амал «Об барои рушди устувор 2018-2028» як қатор чорабиниҳои фарҳангӣ сурат гирифт, ки мақбули тамошобинони сершумори хориҷӣ гардиданд.