ФАРҲАНГ
Якшанбе 16 Июн 2019 06:19
5421
Вазири фарҳанги Ҷумҳурии Тоҷикистон Шамсиддин Орумбекзода имрӯз зимни нишасти матбуотӣ оид ба норасоии кадрҳо дар соҳаи фарҳанг изҳори нигаронӣ намуда, изҳор дошт, ки барои таъмини пурраи кадрҳо дар ин самт то соли 2022мутахассисон дар доираи татбиқи “Барномаи давлатии тайёр кардани мутахассисони соҳаи фарҳанг, санъат ва табъу нашр барои солҳои 2018-2022” дар Федератсияи Русия, Чин, Италия, Беларус ва
Ӯзбекистон омода карда мешаванд:

“Омодасозии мутахассисон барои соҳаи театр, опера ва балет дар Академияи санъати театрии Русия (ГИТИС), Академияи балети русии шаҳри Санкт-Петербург ба номи А.Я.Ваганов ва Академияи “Белканто интернешнл”-и шаҳри Милани Италия, оркестри симфонӣ- дар Консерваторияи давлатии Маскав ва Консерваторияи давлатии шаҳри Санкт-Петербург ба номи Н. Римский –Корсаков, кормандони осорхонаҳо- дар Донишгоҳи давлатии фарҳанг ва санъати ш. Санкт-Петербург, Академияи бадеии Русия ба номи Грабар (ш. Маскав) ба нақша гирифта шудааст,”- иброз дошт вазири фарҳанги ҷумҳурӣ.

Тайёр кардани кадрҳои баландихтисоси соҳаи фарҳанг дар ҳолест, ки Пешвои миллат муҳтарам Эмомалӣ Раҳмон дар Паёми хеш соли 2017 аз набудани кадрҳои баландихтисос дар соҳаи фарҳанги мамлакат изҳори нигаронӣ карда, Вазорати фарҳангро вазифадор намуданд, ки дар доираи татбиқи “Барномаи давлатии тайёр кардани мутахассисони соҳаи фарҳанг, санъат ва табъу нашр барои солҳои 2018-2022” мушкилоти ҷойдоштаро сари вақт бартараф намояд.

Вазири фарҳанг Шамсиддин Орумбекзода дар идомаи нишаст иброз дошт, ки таъмини иҷрои самараноки барнома бо амалӣ намудани маблағгузорӣ аз соли 2019 оғоз гардида, норасоии кадрҳои баландихтисоси соҳаи фарҳанг дар ҷумҳурӣ зина ба зина бартараф мегардад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.