ФАРҲАНГ
Якшанбе 24 Январ 2021 02:36
7673
Инак сӣ сол аст, ки дар фазои иттилооти кишвар рӯзномаи “Садои мардум”, нашрияи Маҷлиси Олии кишвар арзи ҳастӣ намуда, ба хонандагони хеш матолиби ҷолиб пешкаш месозад.

Зикр намудан бамаврид аст, ки “Садои мардум” чун нашрияи порлумонӣ дар саҳифаҳои худ бештар қонунҳои аз ҷониби вакилони халқ дар иҷлосияҳо қабулшуда, қарорҳои Ҳукумат ва дигар санадҳои меъёрию ҳуқуқиро ба табъ мерасонад. Бо вуҷуди он ки аксар вақт саҳифаҳои рӯзнома бо чунин ҳуҷҷатҳои расмӣ банд аст, ҳамчунин маводе ба табъ мерасад, ки аз соҳоти гуногуни ҷомеаи тоҷик, пешравию бунёдкориҳо ва дигар дастовардҳои даврони соҳибистиқлолӣ маълумот медиҳад.

Рӯзномаи “Садои мардум” замоне рӯи чоп омад, ки даври бағоят ҳассос ва душвор дар кишвар ҳукмрон буд. Иттиҳоди абарқудрати шӯравӣ рӯ ба пошхӯрӣ оварда, қувваҳои гуногун сар боло карда, манфиат меҷӯстанд. “Садои мардум” чун нашрияи порлумонӣ бобати ҳарҷониба инъикос намудани фаъолияти шӯроҳои депутатҳои халқ, чи дар маҳалҳо ва чи дар сатҳи ҷумҳурӣ, нақши онҳо дар ҳалли масоили муҳими иқтисодию иҷтимоӣ саҳми арзандае гузошта тавонист. Аҳли эҷоди рӯзнома ба душвориҳои замона, тафриқаандозиҳои гурӯҳҳо ва ашхоси ҷоҳу ҷалолхоҳ нигоҳ накарда, ҳақиқатнигориро мароми хеш қарор дод. Пуштибони ҳукумати қонунӣ будани худро исбот кард ва ба он содиқ монд.

Аз он айёми душвор се даҳсола пушти сар шуд. “Садои мардум” ҳамоно ба анъаноти неки хеш содиқ монд ва ба яке аз нашрияҳои сернуфуз дар ҷомеаи тоҷик мубаддал гардид. Чун ҳамқадами ҳаёт дар ҳалли бисёр масоили мубрами рӯз саҳмгузор аст.

Ба муносибати ин санаи фархунда ба аҳли эҷоди “Садои мардум” комёбиҳо таманно дорем.

Аҳли эҷоди рӯзномаи “Ҷавонони Тоҷикистон”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.