Муассисаи давлатии «Суғдсинамо» ба номи Комил Ёрматов тасмим гирифтааст, ки моҳи сентябри соли равон филми навро бо номи  "Армон" сабт намояд.

- Корҳои омодагӣ барои сабти филми нав идома дорад. Он аз рӯи асари Нависандаи халқии Тоҷикистон Сорбон ба навор гирифта мешавад, - гуфт Дилошӯб Орифзода, корманди Муассиаи давлатии «Суғдсинамо».

Муассисаи давлатии «Суғдсинамо» соли 2015 таъсис ёфта, то кунун филмҳои «Паймон», «Духтари Сайҳун», «Коса» ва «12 соли интизорӣ»-ро пешниҳоди тамошобин намудааст.