ФАРҲАНГ
Ҷумъа 07 Октябр 2022 03:02
5353

Бо ташаббуси Маҳфили "Пайравони Пешвои миллат" бо мақсади ҷалби ҷавонон ба китоб ва китобхона, ҳамзамон ба таври васеъ тарғибу ташвиқ намудани китобхонӣ миёни сокинон, бахусус наврасону ҷавонон дар муассисаи таълимӣ-фарҳангии "PARKING" семинар - тренинги омӯзишӣ доир гардид.

Мақсад аз баргузории семенар ташвиқу таблиғи китобхонию китобдорӣ, ҷалби наврасону ҷавонон ба хониш ва нигаҳдории китоб, аз худ кардани илму маърифат, хулқу атвори накӯ, одоби ҳамида, таҳаммулпазирӣ ва худогоҳию поктинатӣ, истифодаи самараноки вақтҳои холигӣ, пешгирӣ аз бекориву оворагардӣ ва амалҳои номатлуб маънидод гардид.
Бо ҳамин мақсад аз ҷониби аъзоёни маҳфил аксияи тарғиботии "Китоби зинда", дар мисоли повести "Субҳи ҷавонии мо"- и Сотим Улуғзода, миёни сокинон дар истгоҳҳо ва нақлиётҳои мусофирбар гузаронида шуд.

Зимни гузаронидани аксия гуфта шуд, ки тоҷиконро дар ҳама давру замон бо фарҳанги воло ва таърихи пурғановаташон мешинохтанду мешиносанд. Ба василаи осори баландмазмуни адибу донишмандони бузургамон халқи тоҷик ба дигар қавму миллатҳо муаррифӣ гашт. Боиси нигаронист, ки насли ҷавони имрӯза дар масъалаи китобхонӣ аз гузаштагони худ дур монда, ба китобдорию китобхонӣ аҳамияти хоса зоҳир намекунанд.

Лозим ба ёдоварист, ки иқдоми мазкур ҳафтае як маротиба аз ҷониби аъзоёни маҳфил бо мақсади ҷалби наврасону ҷавонон ба китобхонӣ баргузор карда мешавад.

аксияи-китоб.jpg


 

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Октябр 2022 c.