Дар толори хонаи маданияти ҷамоати деҳоти Унҷии ноҳияи Бобоҷон Ғафуров бо иштироки 10 даста аз ҷамоатҳои шаҳраку деҳоти ноҳия Фестивал-озмуни ноҳиявии "Суруди Модар-Алла" бахшида ба Рӯзи Модар ва солҳои 2019-2021 "Солҳои рушди деҳот, сайёҳӣ ва ҳунарҳои мардумӣ" баргузор гардид.

Фестивали мазкур бо ташаббуси Бахши кор бо ҷавонон ва варзиши ноҳияи Бобоҷон Ғафуров гузаронида шуда, дар он нахуст муовини раиси ноҳия Турсунзода Дилором суханронӣ намуда, фестивал-озмунро ҳусни оғоз бахшиданд.

-Имрӯз дар ҳақиқат бонувону модарони тоҷик бо ҳунарҳои миллӣ, зебоӣ ва меҳмоннавозии тоҷиконааш дар тамоми олам обруву нуфузи зиёд дорад. Онҳо азизтарин вуҷуди рӯи замин мебошанд ва зиндагӣ аз нафаси гарму дилнавози онҳо оғоз мешавад. Зинда бод, бонувону модарони ғамхор ва ба ору номуси тоҷик, - гуфт Турсунзода Дилором.
Дар озмун ҷавондухтарону бонувон байни ҳам қувваозмоӣ намуда, дар охир аъзои ҳакамон ғолибонро муайян намуданд. Ба иштирокчиёни фаъол ва ғолибону ҷоизадорон сипоснома ва туҳфаҳои хотиравии таъсиснамудаи Бахши кор бо ҷавонон ва варзиши ноҳияи Бобоҷон Ғафуров супорида шуданд.