Масъулини Бахши кор бо ҷавонон ва варзиш, ҷамоатҳои деҳоти ноҳия Мурғоб ва дастпарварони мактаби санъати ҷамоати Рангкул дар ҳамаи ҷамоатҳои ноҳия барномаи фарҳангии хайриявӣ ташкил менамоянд.

Жанпулод Қамчибеков, мудири бахш гуфт, ки чунин иқдом ба ифтихори “Соли рушди сайёҳӣ ва ҳунарҳои мардумӣ” ва ба хотири ҳар чӣ тезтар вусъат бахшидани корҳои сохтмонии бинои нави толори варзишӣ дар ҷамоати Ғоҷо Бердибаев ва ҷамъоварии маблағ барои сохтмони он мебошад.

Дар барномаи фарҳангӣ ҳамчунин беҳтарин ҳунармандон, ҳаваскорони санъат, ҳофизону раққосони ноҳия баромад намуда, он то охири моҳи апрел давом меёбад.