Имрӯз кормандони Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи маъракаи “Биёед, тоҷикона мепӯшем” бо либосҳои миллӣ дар кӯчаю хиёбонҳои шаҳри Душанбе гаштугузор намуданд.

Пироҳанҳои гулдухтаронро нақшу нигорҳои миллию аҷдодӣ оро дода буданд, ки мавриди диққати меҳмонони зиёди пойтахтамон гардид.

Ба таъкиди масъулин ҳадаф аз баргузории маъракаи мазкур тарғиби либосҳои миллӣ ва рӯ овардан ба фарҳанги аҷдодӣ мебошад. Инчунин мақсади он пешгирии либоспӯшии баъзе аз занону бонувонест, ки тақлид ба фарҳанги бегона намуда, либосҳои барои миллати мо хоснабударо ба бар мекунанд.

Бояд зикр кард, ки маъракаи “Биёед, тоҷикона мепӯшем” то 1 апрел дар тамоми шаҳру ноҳияҳои кишвар ҷараён мегирад.