Дар ҷавоб ба суоли мазкур Давлатзода Зулфия Давлат, вазири фарҳанги Ҷумҳурии Тоҷикистон 30 январ зимни нишасти хабарии вазорат иброз дошт, ки дар ҳақиқат чорабиниҳои фарҳангӣ камтар гузаронида мешавад.

Дар шарҳи масъалаи мазкур гуфта шуд, ки “дар миқёси ҷумҳурӣ 58 қасри фарҳанг ба қайд гирифта шудааст, ки аксари онҳо навбунёданд. Дар ин ҷойҳо чорабиниҳо тибқи рӯйхати баргузории чорабиниҳои давлатӣ баргузор карда мешаванд.

Ғайр аз ин, дар миқёси кишвар зиёда аз 690 хонаи фарҳангӣ ва 22 театрҳои халқӣ амал мекунанд, ки дар як сол 1 ё 2 саҳнаву намоиши театрӣ баргузор мекунанд”.