Бо ҷалби 400 нафар ҷавонон дар муассисаҳои таълимии ноҳияи Дарвоз бахшида ба ҷашни байналмилалии Наврӯз чорабиниҳои идона ва намоиши молу маҳсулот баргузор шуд.

Дар чорабиниҳо ҳамчунин намояндагони мақомоти иҷроияи маҳаллии ҳокимияти давлатии ноҳия, Бахши кор бо ҷавонон ва варзиш, Шуъбаи маориф ва илм, идораҳои маҳаллӣ ва сокинони ноҳия ширкат намуданд.

Талабшо Аламов, мудири Бахш гуфт, ки чунин намоишу барномаҳои фароғатӣ бо иқдоми бахш дар дигар ҷамоатҳо низ ҷараён дошта, баҳри тарғиби маснуоти дастӣ ва дар сатҳи баланд ба роҳ мондани чунин намоишҳо ҳамаи кӯшишҳо мавриди корбурд қарор мегиранд.

Ҳоло чорабиниҳои наврӯзӣ ба ғайр аз ҷамоати деҳоти Қалъаи Хумб, ҳамзамон дар ҷамоатҳои Вишхарв, Нулванд ва Сағирдашт бомаром идома доранд.